Konkurs bukurie në mes të fluturimit

August 23rd, 2012

Një agjensi fluturimi vietnameze ka vendosur që përveç filmave dhe ushqimit, pasagjerëve të saj tu ofrojë edhe një konkurs bukurie në mes të fluturimit.

Pasagjerët menjëherë nxorën telefonat celularë për të regjistruar bukuroshet në avionin e VietJetAir, të cilat për 3 minuta kërcyen para spektatorëve-pasagjerë (VJA).

Edhe pse i dha klientëve diçka për tu mbajtur mend, agjensia e fluturimeve është gjobitur me 800 dollarë pasi videoja e këtij konkursi është publikuar në internet dhe po qarkullon në të gjitha rrjetet sociale.

Shefi i Aviacionit Civil të Vietnamit theksoi: “Ishte një gabim nga agjensia lejimi i një spektakli të tillë.

Një zyrtar i agjensisë u justifikua kështu: “Ishte fluturimi ynë i parë drejt një qyteti bregdetar, kështu që vendosëm të fusnim disa vajza me bikini për të përmirësuar shërbimet ndaj klientit.”

”Gëlltitja” e një planeti

August 23rd, 2012

Astronomët gjetën të dhëna të gëlltitjes së një planeti nga një yll, duke përforcuar kështu teorinë që parashikon se Toka do të pësojë të njëjtin fat pas disa miliarda vitesh.

Gjithashtu, ekspertët vlerësojnë se edhe një planet i të njëjtit sistem diellor ka ndryshuar në mënyrë anormale orbitën e tij, për shkak të ekuilibrave të reja të krijuar në forcat gravitacionale.

Detaje të hollësishme të punës studimore u publikuan të martën në “Gazetën Shkencore të Astro-Fisikës” në SHBA.

Një skuadër astronomësh amerikanë, polakë dhe spanjollë bëri zbulimin duke vëzhguar planetin BD+48 740, një prej Gjigantëve të Kuq, ose yjeve më të mëdhenj të njohur prej njeriu.

Vëzhgimet u realizuan nëpërmjet teleskopit “Hobby Eberly”, me qendër në observatorin shkencor McDonald, në Teksas.

Temperaturat në rritje në bërthamën e një ylli në fazën e fundit të jetës së tij bëjnë që përmasat e tij të rriten, duke “gëlltitur” planetet e afërta.

Pesë vilat më të shtrenjta në botë

August 23rd, 2012

Shumë njerëz mund të ënërrojnë të jetojnë në vila luksoze por ato kushtojnë. Ato zotërohen nga të pasurit që shpesh për shkak të problemeve që mund të kenë detyrohen ti shesin ato.

Vila “Leopold” e cila është ndërtuar nga mbreti belg Leopoldi II enkas për të dashurën e tij është nxjerrë në ankand për 530 milionë dollarë. Vila e cila ndodhet në rivierën franceze është pronë e Lily Safra.

Në vendin e dytë renditet një vilë e ndërtuar në vitin 1924 në ishullin Li Gali afër Kaprios e cila është nxjerrë në shtije me vlerë 268 milionë dollarë. Ka qenë pronësi e balerinit Rudolf Nurejev.

Prona tjetër më e shtrenjtë në botë që shitet në Hempton (SHBA), kushton 200 milionë dollarë. Bëhet fjalë për plazhin e zbrazët të madh gati katër hektarësh.
Në Londër apartamenti më i shtrenjtë ndodhet në hotelin ‘Bulgari’, me sipërfaqe 860 metrash katrorë, me pamje nga Hyde Parku, por i papërfunduar. Megjithatë i është vënë çmimi 157 milionë dollarë.

Investuesi miliarder Jeff Greene ka shpenzuar miliona dollarë për rregullimin e vilës në Beverly Hills në një stil ekstravagant dhe tani shpreson se paratë e investuara do t’i kthehen. Shtëpinë e shet për 150 milionë dollarë. Në pronën që shtrihet në 10 hektarë ndodhet shtëpia e madhe gati 4 mijë metrash katrorë.

Biznesmeni shet jetën e vjetër për 2.9 milionë euro

August 23rd, 2012

Biznesmeni Shane Butcher dëshiron të fillojë jetë të re, ashtu që ka vendosur ta shesë jetën e vjetër përmes eBay për 2.9 milionë euro.

Multimilioneri ofron zinxhirin e dyqaneve të videolojërave, dy shtëpi, tri automjete, madje edhe qenin e tij.

Paratë planifikon t’i shfrytëzojë për të udhëtuar me gruan e tij dhe më pas do të kthehet në Florida dhe do të fillojë jetë të re.

“E shes ëndrrën amerikane përmes eBay. Do t’i ndihmoj blerësit rreth dokumentacionit. Do ta mësoj të udhëheqë biznes. Do të ketë qasje te të gjithë distributorët dhe fshehtësitë e tregut”, ka thënë 29-vjeçari.

Femrat me flokë ta gjata nuk bëjnë karrierë?

August 23rd, 2012

Në Shtetet e Bashkuara të Amerikës pëlqehen flokët e shkurtra të femrave, pasi ky vend konsideron se prerja e shkurtër e flokëve është tipike për një femër që ka tendencë të bëjë karrierë.

Siç transmeton Kosovapress, kjo teori duket se vlen sidomos për femra që janë mbi moshën 40- 50 vjeçare.

Madje, studiuesit amerikanë, pohojnë se edhe ngjyra e flokëve është vendimtare për të ardhmen e karrierës së një femre gjatë jetës së saj.

Flokëverdhat konsiderohen si femrat me më shumë predispozita për të ecur në rrugën e profesionit të tyre. Gjë e cila duket të jetë mjaftë e vështirë për femrat brune.